| بس بالكويت ؟؟؟؟ | |
|
+4alaxnder حبيبه الدنيا شموخ الكويت الدنيا لعبه 8 مشترك |
كاتب الموضوع | رسالة |
---|
الدنيا لعبه ( __ ** ^عضـــو نشيــط ^ ** __ )
عدد الرسائل : 270 العمر : 33 تاريخ التسجيل : 13/08/2008
| موضوع: بس بالكويت ؟؟؟؟ الأحد أغسطس 17, 2008 12:45 am | |
| بونجور
ليش بس بالكويت اللي عنده كايين إذا ولد عباله البنات كلهم زايغيين عليه ، واذا بنت تصير مغروره؟؟
ليش بس بالكويت اللي بيتهم بصباح السالم لي اسألوهم يقولون بيتنا بالضاحية، ومايكملون الباجي؟؟ ليش بس بالكويت اللي بيتهم بالضاحية (عبدالله السالم) عبالهم ربهم ما خلق غيرهم؟؟ ليش بس بالكويت اللي يدرسون بمعهد تجاري يجذبون ويقولون ندرس بعلوم إدارية؟؟ ليش بس بالكويت الجمعيات التعاونية المواقف فيها كلله فل ننطر احد يطلع علشان نسفط مكانه، وداخل الجمعية ماكو أحد! وينهم يعني؟؟ ليش بس بالكويت المجمعات بعد الساعه 7 مستحيل تلقى موقف؟؟ ليش بس بالكويت اللي يروحون السوق يقعدون بالقهاوي ويشربون قهوه ويردون بيتهم؟؟ ليش بس بالكويت لي افتحو مطعم يديد عالبحر الكل يستخبر ! ويروح يجرب اكله؟ ليش بس بالكويت المطاعم والاسوقه ترس الديره ؟؟ ليش بس بالكويت الام لي تعدت الـ 35 تبدي تلبس نفس بناتها ، ولي اسألوها جم عمرج تقول عمرها ناقص 10 سنين !! ليش بس بالكويت لي سافرو الناس يردون واجناطهم اكثر منهم ؟؟ ليش بس بالكويت الشباب اللي يدرسون بره لي ردو إما متدينين أو مختربين ؟؟ ليش بس بالكويت البنت لي البست شي شاريته من المعلم وقالولها حلو من وين؟ تقول: والله شاريته من بره الكويت؟؟ ليش بس بالكويت البنت اللي تلبس جناط تقليد لي اسألوها عن السعر تقول والله يايبينها لي هديه ؟؟ عبالج ما ندري ان تقليد! ليش بس بالكويت يهبون بموضات تضحك والناس عبالهم ستايل؟؟ ليش بس بالكويت البنت تسوي بف اوووفر ومتفوخ عالآخر يعني بف آخر مديل ؟ بتوصلين لي السقف؟ ليش بس بالكويت الشباب يتبارون بشعورهم منو يوقف شعره أكثر ويصير نفس سونيك ؟ ليش بس بالكويت البنات يتبارون منو حجابها اهلق من الثانيه ؟؟؟ ليش بس بالكويت شعور البنات كشه جنهم دهر مو امشطينه يعني كيرلي طبيعي ؟؟ ليش بس بالكويت بالتطبيقي تشوف الهول والهويل (من شباب وبنات) والظاهر انتقلت العدوة لجامعة الكويت؟ ليش بس بالكويت لعبتنا المقدسه ايام قبل كمبيوتر صخر لعبة السيرك والقلعه والبطريق ؟؟ ليش بس بالكويت ايام قبل كنا ما نقدر ننام الا على صوت المكيف اللي جنه طرااد ؟؟ ليش بس بالكويت يودون لاب توباتهم ستاربكس ولا المطار ويشبكون يعني كول! ماعندكم نت بالبيت؟؟ ليش بس بالكويت قبل لا يروحو الشاليه يشترون ماجله حق شهرين؟؟ ليش بس بالكويت اكثرت نسبة التروفه ؟ وقمنا نشوفهم كل مكان ؟ عسى ربي ما يخسف فينا بس ليش بس بالكويت اللي بيتهم بجنوب السره يتفشل يقول وين بيتهم؟؟ ليش بس بالكويت اللي تتزوج تسوي استقبال، واللي تولد تسوي استقبال، واللي تسوي عملية استقبال، وحج استقبال،... باقي بس لي كحت تسوي استقبال؟؟ ليش بس بالكويت اذا واحد بغى يصور منظر حلو بمكان عام .. الناس تخزه ويقولون عنه: موشايف خير! شيصور هاذا؟ ماكو شغل؟ عالاقل ينمي مواهبه، يسوي شي مفيد ليش بس بالكويت اللي لابس ساعه ماركة كل شوي يرفع جمه؟؟ ليش بس بالكويت اللي موبايله آخر موديل كل ثانيه يطلع موبايله من مخباته يشوف الساعه جم؟؟ ليش بس بالكويت اللي رقم موبايله فيه ارقام متشابهه وايد قالو .. هااذا شيخ؟؟ ليش بس بالكويت الشباب يشترون بنطلوناتهم من العدساني كل الالوان، ويقولون اهما شارينهم من مكان ثاني؟؟ ليش بس بالكويت البنات بالمتوسط تلبس كعب، وبالثنوي تحف حواجبها، وبالجامعه مايصير تطلع من البيت الا بمكياج؟؟؟ ليش بس بالكويت المراه لي دق ريلها يزفها يقولها يالله رجعي البيت، تسده وتقول ريلي ولهان علي وداق يتطمن علي؟؟ ليش بس بالكويت اغلب الشرطه (الشباب) يخالفون الناس واهما يسوون نفس اللي خالفوهم عليه؟؟ ليش بس بالكويت الشباب يلبسون تي شيرت ورديه؟؟ ونعال بيركن ستوك؟؟ ليش بس بالكويت البنات يسوون حجاب بوورده وحجاب عنتر ويهولون بعمرهم؟؟ ليش بس بالكويت البنات يطلعون تراجيهم من الحجاب والرقبه ولا ننسى القذله، واللبس حدث ولاحرج؟؟ ليش متحجبه؟؟ ليش بس بالكويت الشباب ينزلون بنطلوناتهم عالآآآآخر شوي ويطيح ؟؟ يعني ستايل؟؟ ليش بس بالكويت بعض الشباب يلبسون سلاسل ويسوقون سياكل ؟؟ يعني كول غصب؟؟ ليش بس بالكويت الناس لما يسوقون ما يوقفون حق المطبه؟ ليش بس بالكويت البنات وايد يدعمون ؟؟ ولي اسألوها قالت: داعميني؟؟ ليش بس بالكويت الهنود عقب 3 سنين شغل، يصدقون عمرهم وكل واحد عباله اهوا المعزب؟؟ ليش بس بالكويت الاشاعه تنتشر اسرع حتى من البرق؟؟؟ ليش بس بالكويت اليهال عندهم موبايلات؟؟
ليش بس بالكويت الشباب يبتكرون فكره ورموز ويكتبون فيها اسم عايلتهم ويلزقونها على السياره ورا؟؟ حتى لو موماشيه؟؟ غصب ليش بس بالكويت لي اسألو البنت امج من بنته؟؟ قامت تناقز من الفرحة وتقول هياا ابيخطبوني؟؟ ليش بس بالكويت الريال اول ما يملج يوكل زوجته كل يوم بمطعم، وآخر الشهر ياكلون سندويشات فلافل؟؟؟ ليش بس بالكويت بعرس الحريم لازم يحطون اغنيه راح الحبيب راح طول الغيبه؟؟ ليش بس بالكويت بعرس الحريم لي زفّو العروس ودخلت الصاله ، البنات تدمع عيونهم؟؟ ليش بس بالكويت بالمطعم الناس يطقطقون انجليزي يعني غصب نعرف؟؟ ليش بس بالكويت المسلسلات برمضان تفشل ويقولون مسلسلات كويتية للاسف ومافيها اي فايده بس يفتحون عيون يهالنا على أشياء مايعرفونها؟؟ ليش بس بالكويت الناس مايعرفون بعض الا لما تقرب الانتخابات؟؟ ليش بس بالكويت بالكافيهات لي بطلنا البلوتوث نلقه امية 100 واحد مشغله وكل واحد يسوي روحه مو اهوا؟؟ ليش بس بالكويت البنات يصورون روحهم ويحطونها خلفيه بموبايلاتهم، عبالهم عارضات ازياء؟؟ ولي انباق اقعدوا يبجون؟؟ ليش بس بالكويت الكل عنده ايبود iPod؟؟؟ ليش بس بالكويت المراه لما تدخل الصالون شي، ولما تطلع منه شي ثاني؟؟ ليش بس بالكويت بليل لي صار الشارع فاضي تطلع عالحمرا؟؟ يعني ربنا مايشوفنا؟؟ ليش بس بالكويت لي رحنا ندفع المخالفات لازم مصورتنا الكاميرا؟؟ ليش بس بالكويت نوقف بالممنوع ولي خالفنا عمي الشرطي نقوله: ماندري ان هذا ممنوع ونحلف ان هذي آآآآآخر مره ، وبعدين نعيدها؟؟؟؟ | |
|
| |
شموخ الكويت الــمـديـــرة
عدد الرسائل : 475 الاوسمة : تاريخ التسجيل : 20/07/2008
| موضوع: رد: بس بالكويت ؟؟؟؟ الأحد أغسطس 17, 2008 1:32 am | |
| لانها الكويت لازم كل شي غير وينقل للقسم المناسب | |
|
| |
حبيبه الدنيا {_-~َ ْ حبيبـه الدنيــا ..
عدد الرسائل : 672 المزاج : مريضه تاريخ التسجيل : 22/07/2008
| موضوع: رد: بس بالكويت ؟؟؟؟ الأحد أغسطس 17, 2008 1:54 am | |
| موضوووع واايد حلووو ومميز .. يعطيك العافيه ماقصرت .. | |
|
| |
alaxnder " __ َ عضــو مميــز َ __ "
عدد الرسائل : 221 العمر : 34 المزاج : زقاره تاريخ التسجيل : 13/08/2008
| موضوع: رد: بس بالكويت ؟؟؟؟ الأحد أغسطس 17, 2008 12:36 pm | |
| تبي الصراحه لان مجتمعنا في نسبه تخلف وعدم الاتزان يسلموو على الموضوع وعاشت يمناك | |
|
| |
الدنيا لعبه ( __ ** ^عضـــو نشيــط ^ ** __ )
عدد الرسائل : 270 العمر : 33 تاريخ التسجيل : 13/08/2008
| موضوع: رد: بس بالكويت ؟؟؟؟ الثلاثاء أغسطس 19, 2008 6:31 pm | |
| مشكورين على المرور الطيب وانا اسف اذا خربطة بمكان الموضوع | |
|
| |
الشيطان الاحمر { _! مشـــ القصص والروايــات ـــرف !_ }
عدد الرسائل : 441 العمر : 29 المزاج : فاصل ؟ يقرا قصص تاريخ التسجيل : 12/08/2008
| موضوع: رد: بس بالكويت ؟؟؟؟ الخميس أغسطس 21, 2008 6:04 am | |
| لانها الكويت وجنه الكويتين هم الي غير عن الناس جنه على راسهم ريشه وانا مادري عالعموم مشكور اخوي ع الموضوع الروعه وتقبل مروري | |
|
| |
الدنيا لعبه ( __ ** ^عضـــو نشيــط ^ ** __ )
عدد الرسائل : 270 العمر : 33 تاريخ التسجيل : 13/08/2008
| موضوع: رد: بس بالكويت ؟؟؟؟ الجمعة أغسطس 22, 2008 5:14 am | |
| | |
|
| |
Gümüs ××ٌ َ ً ُ ٌ _ عضـوة مميزة ..
عدد الرسائل : 129 العمر : 30 تاريخ التسجيل : 25/07/2008
| موضوع: رد: بس بالكويت ؟؟؟؟ السبت أغسطس 30, 2008 11:05 am | |
| مشكوووووووووووووووووور على الموضوع الحلو | |
|
| |
الدنيا لعبه ( __ ** ^عضـــو نشيــط ^ ** __ )
عدد الرسائل : 270 العمر : 33 تاريخ التسجيل : 13/08/2008
| موضوع: رد: بس بالكويت ؟؟؟؟ الثلاثاء سبتمبر 02, 2008 7:20 pm | |
| | |
|
| |
بنوته دلع المديرة المساعدة
عدد الرسائل : 89 العمر : 31 المزاج : dl33 تاريخ التسجيل : 23/08/2008
| موضوع: رد: بس بالكويت ؟؟؟؟ السبت سبتمبر 20, 2008 1:54 am | |
| لوووووووووووووووول حلوه حقت البف وسوووووونيك يا أخي والله مادري شقولك بس الدنيا هيك تســــــــــــــــلملي ع الموضوع العسل | |
|
| |
الدنيا لعبه ( __ ** ^عضـــو نشيــط ^ ** __ )
عدد الرسائل : 270 العمر : 33 تاريخ التسجيل : 13/08/2008
| موضوع: رد: بس بالكويت ؟؟؟؟ الإثنين سبتمبر 22, 2008 8:17 am | |
| يسلمج ربي ومشكوره على المرور | |
|
| |
شيطانه العيم ( __ ** ^عضـــو نشيــط ^ ** __ )
عدد الرسائل : 252 الاوسمة : تاريخ التسجيل : 21/07/2008
| موضوع: رد: بس بالكويت ؟؟؟؟ السبت سبتمبر 27, 2008 2:37 am | |
| همن معه كل هذا ... نحب الكويت و طول العمر راح تظل الافضل ... فديتج و فديت تراابج | |
|
| |
بنوته دلع المديرة المساعدة
عدد الرسائل : 89 العمر : 31 المزاج : dl33 تاريخ التسجيل : 23/08/2008
| موضوع: رد: بس بالكويت ؟؟؟؟ الخميس أكتوبر 02, 2008 6:35 am | |
| كلااااااااامج عسل فديتج والله | |
|
| |
الدنيا لعبه ( __ ** ^عضـــو نشيــط ^ ** __ )
عدد الرسائل : 270 العمر : 33 تاريخ التسجيل : 13/08/2008
| موضوع: رد: بس بالكويت ؟؟؟؟ السبت أكتوبر 04, 2008 7:07 pm | |
| هذا شي طبيعي مو الي ما يحب الكويت ويسلمو على المرور يا قلبي | |
|
| |
| بس بالكويت ؟؟؟؟ | |
|